لبنان الحلو

للعشاق لي بيحبوا القصص المميزة.. لقينالكن ٨ أماكن رومانسية لازم تزوروها

متل ما عودناكن كل فترة بنجيبلكن محلات جديدة تقدروا تعيشوا فيها أجواء رومانسية مع حبيبكن أو حبيبتكن بلبنان. هالمرة كمان لح نعرفكن على ٨ محلات فيكن تقضوا وقت فيها مع الحبيب لحالكن بجو رومانسي ومناظر بتطير العقل.

وشو في أحلى من انه نخرج عن المألوف بهالموضوع، تعرفوا معنا على هالمحلات.

١ – لا فونيفيا، جونية

يمكن إنتو بتحبوا الرومانسية والقعدة على البحر بس مش عارفين وين فيكن تفاجأوا حبيبكن، هل محل هوي للعشاق وبس. بتوصلوا بتلاقوا المصابيح الخافتة مضواية، ألوان الصيفية، البحر تحت إجريكن، الأكل الطيب ناطركن مع موسيقى رومانسية متل الأفلام. بهل محل الشخصين بيتمتعوا بخصوصية كاملة، لأن كل ثنائي رح يقعد على طاولة خاصة لشخصين. ما في أجمل من إنو تقعدوا سوا على البحر وتتغزلوا ببعض وتحبوا بعض من أول وجديد!

الرقم: 335 350 81

٢ – كافيه سطيحتنا ب بطحا

أحلى شي ممكن تعملوا انه تبعدوا عن عجقة بيروت وتروحوا على محل من أحلى المحلات بمنطقة بطحا. سطيحتنا كافيه هو مطعم على راس الجبل تقريبًا وبيطلّ على منطقة جونية، قعدة بترد الروح ومنظر بطير العقل وأحلى شي ممكن تعملوا هو تشوفوا غروب الشمس من هيدا المحل الحلو، مع أكل لبناني كتير طيب. تجربة رومانسية ولا أروع!

الرقم: 71790909

٣ – Lavender Getaway بمنطقة كفرقطرة

منطقة كفرقطرة بالشوف هي وحدة من أجمل المناطق يلي مش الكل بيعرفها وفيها مناظر كتير حلوة أهمها الصخرة المشهور على راس الجبل. ولهيك هي محل كتير مناسب للعشاق يزوروها ويقضوا وقت مع بعض وكمان فيهن يقضوا وقت حلو بمطعم getaway lavender يلي بيطل على منظر جبلي بجنن مع لقمة طيبة كمان.

الرقم: 81927066

٤ – Oak نط ببنابيل

قعدة بنص الطبيعة ببلدة بنابيل بالمتن ولي هي Oak نط، بتسمح للأشخاص يلي بيحبوا الطبيعة انن يعيشوا تجربة مميزة بربوعها بين الشجر والحجر. كما انه بهيدا المحل فيكن تعيشوا أجواء موسيقية رائعة ونشاطات فنية ورياضية حلوة بيأمنها المحل للزبائن مجانًا.

الرقم: 70417216

٥ – Gazdaro بعنايا

بنضل بأجواء الطبيعة الخضرا والجبلية الساحرة وبنروح هلق على عنايا وتحديدًا على مطعم Gazdaro. الديكور تبعول المطعم الموجود outdoor كتير مميز كما انه موجود على راس الجبل وبيطل على مناظر ولا أحلى، بتحسوا حالكن فوق الغيوم. راحة نفسية كبيرة ورومانسية وأكل طيب، ومحل كتير حلو تزوروا مع حبيبكن او حبيبتكن.

الرقم: 76583165

٦ – Besten ببرالياس البقاع

محل كتير حلو بمنطقة البقاع، وهو مش بس مناسب للعائلات فقط بس كمان بيناسب الـcouples لي حابين يعيشوا أجواء كلها نشاط وحيوية. لنبعد شوي عن جو الأكل والقعدات الرايقة، هيدا المحل بيأمنلكن كتير نشاطات متل المشي بالطبيعة والبيدالو بالبحيرة وسهرات النار وركوب الدراجات الهوائية وغيرها من النشاطات لي ممكن تجربوها. لهيك للـ couples لي بيحبوا هول القصص ما الكن إلا هيدا المحل.

الرقم: 03502898

٧ – Escape Life بعاليه

بنبقى بالقصص الخارجة عن المألوف وهلق بنروح على عاليه تحديدًا على كافيه Escape Life، لي هو فعلًا اسم على مسمى. اذا بتحبوا السهر وحابين تهربوا على محل حلو ورايق وبنفس الوقت تقضوا في وقت حلو ما الكن إلا هيدا المحل يلي فيه الكتير من النشاطات الليلية، متل الـ movie nights والـ karaoke nights وغيرها.

الرقم: 71817818

٨ – Titans بالبترون

وهلق بنرجع على البترون وشاطئ البترون يلي فيه سحر غريب وبيجذب الناس بطريقة رائعة. محل titans الموجود على شاطئ البترون هو واحد من المحلات الكتير حلوة يلي ممكن يقصدوها الـcouples، خصوصًا محبي الصيف والبحر والـtanning. هون فيكن تسبحوا وتاكلوا وتنبسطوا بأجواء بحرية بامتياز.

الرقم: 70999596

اظهر المزيد

مقالات ذات صلة

زر الذهاب إلى الأعلى

أنت تستخدم إضافة Adblock

يرجى إغلاق Adblocker من أجل المتابعة