لبنان الحلو

٩ محلات عصير لازم تجربوهم هالصيفية بلبنان

إيام بيطلع على بالنا شي نشربوا يكون كتير مسقع لنبورد قلبنا من دون ما ناكل بوظة أو شي كتير حلو وتقيل، لهيك رح نخبركن عن ٩ محلات بيعملوا عصير فواكه كتير طيب بلبنان.

١. ميتا جوس، الأشرفية

ميتا جوس محل مليان فواكي ونكهات، بيعملوا كل أنواع العصير الطبيعي على الإيد من دون إضافات أو مواد حافظة.

الرقم: 744 778 81

٢. ليموناضة ناجي، البترون

هلق رح نجرب العصير الصيفي يلي كلنا مننطروا مناطرة، الليموناصة. يلي بعد ما جرب ليموناضة ناجي بالبترون عم بروح علي كتير، ناجي بيعمل ليموناضة بترونية على الأصول بس لي بميزها عن غيرها إنو منا دلعة أبداً وطاغية عليها طعمة الحامض مع شوية سكر، بتحسوا حالكن عم تشربوا ليموناضة organic وطبيعية مية بالمية.

الرقم: 897 323 03

٣. تايستي بيز Tasty Bees، كافة الفروعة

بس توصلوا على هل محل رح تحتاروا شو تاخدوا لأن بيعمل كتير قصص طيبة متل الكوكتيل، العصير، الكايك، الميلك شايك، البوظة وإختراعات ما بتخلص لتحلوا حالكن على الأصول.

الفروعة: بيروت صفير، بيروت القائم، بيروت بشارة الخوري، شويفات-عرمون

الرقم: 804 278 01

٤. العنتبلي، الحمرا

هل محل بيعمل كل أنواع العصير متل الليمون، الليموناضة، الجلاب، الرمان، الجزر، التفاح، الفريز والغريفون وغيرن، إنتو بس نقوا واختاروا شو عبالكن.

الرقم: 326 739 01

٥. غوستوسو، الحدت

بحضر هل محل تشكيلة واسعة من العصير وأنواع الكوكتيل المحضرة من الفواكي الطبيعية والبوظة، متل عصير الأفوكا، الليمون النعنع والليموناضة. على فكرة، رح تلاقوا طعمتكن المفضلة بقنينة وتاخدوها معكن على البيت.

الرقم: 555 025 81

٦. كوكتيل لحود، برج حمود

هل محل صرلوا أكتر من 40 سنة فاتح وبحضر عصير وكوكتيل وكريب، بيعمل عصير طبيعي من كل الطعمات، متل عصير البطيخ، الجلاب، الشمام، التفاح، الجزر، الجريب فروت، المانغا، البابايا وغيرن.

الرقم: 206 265 01

٧. جوس أند مور، بيت الشعار

جوس آند مور بيعمل أشهى العصير والمخفوقات الطازا، بالإضافة للحلويات والكريب والكوكتيل المعمولين من أجود المكونات.

الرقم: 162 576 70

٨. ليموناضة شاهين، البترون

كلنا منعرف إنو الليموناضة الطيبة ما منلاقيها غير بالبترون، هل محل بيعمل ليموناضة بتشق النفس، وبيعمل كمان أصناف حلو شهية، متل الآيس كريم والكوكتيل والعصير.

الرقم: 292 741 06

٩. جوس فيول، النبطية

رح نختم الليستا بهل محل المميز لي بقدم أصناف كتيرة ومتنوعة من العصير والكوكتيلات الغريبة والشهية وبيعمل كمان آيس كريم وكريب. العصير المعمول بهل محل يعتبر طبيعي شغل إيد وفيكن تاخدوا الطعمة لي بدكن ياها بالقنينة على البيت أو تاخدوها معكن إذا ضاهرين شي محل.

الرقم: 945 974 81

اظهر المزيد

مقالات ذات صلة

زر الذهاب إلى الأعلى

أنت تستخدم إضافة Adblock

يرجى إغلاق Adblocker من أجل المتابعة